Բիձինա Իվանիշվիլին ընդդեմ Credit Suisse Group-ի

Screen Shot 2017-09-08 at 6.45.34 PM

Վրաստանի նախկին վարչապետ` միլիարդատեր Բիձինա Իվանիշվիլին դատական հայցեր է ներկայացրել շվեյցարական Credit Suisse Group ընկերության դեմ: Իվանիշվիլիի կարողությունը 5.6 միլիարդ ԱՄՆ դոլար գնահատող ամերիկյան Bloomberg-ի փոխանցմամբ, վրաց գործարարի փաստաբանները օգոստոս ամսվա ընթացքում 3 դատական հայց են ներկայացրել Սինգապուրում, Նոր Զելանդիայում եւ Բերմուդյան կղզիներում:

Վրաստանի ամենաազդեցիկ մարդը համարվող գործարարը, բոլոր երեք դեպքերում պահանջում է, որպեսզի Credit Suisse Group-ը տրամադրի բանկի միջոցով նշված երկրներում իր ունեցած ներդրումների վերաբերյալ փաստաթղթերի ողջ փաթեթը: Իվանիշվիլիի փաստաբանների փոխանցմամբ տեղի է ունեցել գործարարի միջոցների վատնում, որի հստակ չափերը դեռեւս հաշվվում են: Ի պատասխան Բիձինա Իվանիշվիլիի ֆինանսական միջոցների կառավարմամբ զբաղվող շվեյցարական Credit Suisse-ը հայտարարել է, թե տեղի ունեցածի ողջ պատասխանատվությունը բանկի 1` արդեն նախկին աշխատակցի վրա է:

Ֆինանսական մեքենայության մեջ մեղադրվող շվեյցարական բանկի աշխատակիցը, ում անունը չի հրապարակվում, ձերբակալվել էր դեռեւս 1 եւ կես տարի առաջ: Նրա փաստաբանը հայտարարել է, որ իր պաշտպանյալը ընդունել է իր մեղքը, ուստի լրացուցիչ հետաքննության կարիք չկա: Մինչդեռ Իվանիշվիլիի փաստաբանների կարծիքով, ֆինանսական միջոցները վատնելու մեջ ներգրավված են եղել Credit Suisse-ի այլ աշխատակիցներ եւս, իսկ մասնավորապես բանկի հոգաբարձուների խորհրդի անդամներ, ովքեր շահագործել են գործարարի վստահությունը:  Ավելին, նշվում է նաեւ, որ առաջիկայում կարող են քրեական գործեր հարուցվել նաեւ այլ երկրներում, որտեղ` ըստ Բիձինա Իվանիշվիլիի փաստաբանների, Credit Suisse-ը գրասենյակներ ունի եւ որոնց միջոցով մեղադրյալը փողեր է փոխանցել:

Այս տարվա հուլիսին, անազատության մեջ գտնվող Credit Suisse Group-ի աշխատակցի դեմ մեղադրանք է առաջադրվել Ժնեւի դատախազությունը: Ենթադրվում է, որ գործի վերաբերյալ դատական լսումները սկսվելու են 2017-ի հոկտեմբերին Շվեյցարիայում: Այս ժամկետը, սակայն` փոփոխման ենթակա է, հաղորդում է Bloomberg-ը:

Լուսանկարը` Bloomberg-ի

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>