Թմրանյութային քաղաքականության քննարկումը խորհրդարանի գործն է. Կապանաձե

sergi kapanadze

Թմրանյութերի օգտագործումը ապաքրեականացնելու մասին օրինագծի քննարկումը պետք է շարունակվի խորհրդարանում, քանի, որ այն խորհրդարանի անելիքն է: Այս մասին հայտարարել է «Եվրոպական Վրաստան» կուսակցության անդամ, խորհրդարանի փոխխոսնակ Սերգի Կապանաձեն:

Ըստ «Եվրոպական Վրաստանի», թմրանյութային քաղաքականության վերաբերյալ գոյություն ունեցող օրինագծում հարկավոր է որոշ ճշգրտումներ մտցնել, ինչը միայն խորհրդարանի գործն է: Կապանաձեն նման հայտարարություն է արել՝ արձագանքելով Վրաստանի պատրիարքարանի հայտարարությանը։ Հիշեցնենք՝  պատրիարքարանը  պահանջել էր քննարկել թմրանյութային քաղաքականության ազատականացման օրենսդրական փաթեթը։ 

Դրա հետ մեկտեղ պատրիարքարանը առաջարկել է վերոնշյալ թեմայի շուրջ հանրային քննարկումներ ծավալել իշխանության ներկայացուցիչների, հոգեբանների, բժիշկների, իրավաբանների, հոգևորականների, իրավապաշտպանների, լրագրողների, մանկավարժների ու շահագրգիռ մյուս կողմերի մասնակցությամբ:

Տեղեկացնում է «Ipn.ge»-ն:

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>