Խորհրդարանը եւ ՀԿ-ները մարդու իրավունքների պաշտպան են ընտրում

Parlament_of_Georgia_(Kutaisi)

Վրաստանի մարդու իրավունքների պաշտպան ընտրելու մրցույթի վերաբերյալ խորհրդարանի ղեկավարը հասարակական կազմակերպությունների հետ այսօր՝ նոյեմբերի 23-ին, հանդիպում կանցկացնի: Հանդիպմանը բացի տեղական կազմակերպություններից կմասնակցեն նաեւ միջազգային եւ դոնոր կազմակերպությունները:

Ներկայիս ՄԻՊ Ուչա Նանուաշվիլիի իրավասություններն ավարտվում են դեկտեմբերի 7-ին: Այս պահի դրությամբ օմբուդսմենի թեկնածուներն են Սոփո Խորգուանին եւ Սոփո Ջափարիձեն, սակայն հասարակական կազմակերպություններն առաջադրում են եւս 4 թեկնածուների՝ Նինո Լոմջարիա, Անա Նացվլիշվիլի, Զվիադ Քորիձե, Վախուշտի Մենաբդե:

Իշխող «Վրացական երազանք» կուսակցության անդամները համոզված են, որ կընտրվի լավագույն թեկնածուն:

«Այսօրվա հանդիպումը շատ կարևոր է։ Մենք լրացուցիչ քննարկումներ կունենանք եւ համոզված եմ՝ լավագույն թեկնածուին կընտրենք: Երբ հարցը վերաբերում է մարդու իրավունքների պաշտպանի թեկնածությանը, ժողովրդավարական նկրտումներ ունեցող պետությունը պետք է ընտրի պրոֆեսիոնալ, օբյեկտիվ մարդու»,- հայտարարել է «Վրացական երազանք» խմբակցության ղեկավար Մամուկա Մդինարաձեն:

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>