Միխեիլ Ջանելիձեն ելույթ կունենա Եվրախորհրդարանի արտաքին հարաբերությունների հանձնաժողովում

6F0BD757-9217-488E-A3D4-AE963C7EEAA8_w1023_r1_s

Վրաստանի փոխվարչապետ, Վրաստանի արտգործնախարար Միխեիլ Ջանելիձեն հոկտեմբերի 18-19-ը կայցելի Բրյուսել:

Արտաքին գործերի նախարարության տեղեկատվությամբ, այցի շրջանակներում փոխվարչապետը ելույթ կունենա Եվրոպական խորհրդարանի արտաքին հարաբերությունների հանձնաժողովում (AFET): Միխեիլ Ջանելիձեն կխոսի Վրաստանում եվրոպական օրակարգի, ներկայիս և հետագա բարեփոխումների, եվրաինտեգրման տեսլականի և հեռանկարների մասին, նախարարը Եվրոպական խորհրդարանին կտեղեկացնի նաև օկուպացված տարածքների վերջին զարգացումների մասին։

Արտգործնախարարի՝ Բրյուսել այցի շրջանակներում կկայանան հանդիպումներ Եվրոպական հանձնաժողովի արտաքին կապերի գլխավոր քարտուղար Հելգա Շմիդի և եվրահանձնաժողովի եվրոպական հարևանության քաղաքականության և ընդլայնման բանակցությունների գլխավոր տնօրենի տեղակալ Կատերինա Մատերնովայի հետ։ Նախարարը նաև կլոր սեղանի ձևաչափով քննարկում կանցկացնի Կարնեգի կենտրոնում՝ առաջատար մի շարք փորձագետների հետ։

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>