Շարունակվում է Կոբախիձեի այցը Ուզբեկստան

kobaxidze_26d45

Պաշտոնական այցով Ուզբեկստանում գտնվող Վրաստանի խորհրդարանի նախագահ Իրակլի Կոբախիձեի գլխավորած պատվիրակությանը ընդունել է երկրի օրենսդիր պալատի նախագահ Նուրդինժոն Իսմաիլովը:

Վրաստանի խորհրդարանի տեղեկատվության համաձայն, հանդիպմանը քննարկվել են երկկողմ հարաբերություններին վերաբերող մի շարք ակտուալ հարցեր։ Կողմերը հատկապես առանձնացրել են տնտեսական համագործակցության խորացմանն ու տարանցիկ ֆունկցիաներին վերաբերող հարցերը:

Հանդիպման ավարտին խորհրդարանի նախագահ Իրակլի Կոբախիձեն լրագրողների հետ զրույցում կարևորել է երկու երկրների օրենսդիր մարմինների միջև այցի շրջանակներում ստորագրվելիք  միջխորհրդարանական համագործակցության մասին հուշագիրը:

Վրաստանի պատվիրակության կազմում են պատգամավորներ Զվիադ Ձիձիգուրին, Սիմոն Նոզաձեն, Կախա Օքրիաշվիլին, Հենզել Մկոյանը, Լևան Բեժանիձեն, Բեքա Օդիշարիան և Վրաստանի խորհրդարանի նախագահի  խորհրդական Նիկոլոզ Սամխարաձեն:

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>