Վրաստանի նախագահի միջազգային հարցերով խորհրդական Թենգիզ Փխալաձեն Ռուսաստանի հետ դիվանագիտական հարաբերությունների վերսկսման հեռանկար չի տեսնում։
«Եթե ինչ-որ մեկը կարծում է, թե Վրաստանի իշխանությունները, կամ վրաց ժողովուրդը երբևէ կհամակերպվեն Ռուսաստանի կողմից արվող այն քայլերի հետ, որոնք օկուպացնելու նպատակով իրականացվում են Վրաստանի տարածքում, ապա սխալվում է»,- հայտարարել է Փխալաձեն՝ անդրադառնալով Ռուսաստանի փոխարտգործնախարար Գրիգորի Կարասինի հայտարարությանը:
Հիշեցնենք, որ Կարասինը «RIA Novosti» գործակալության հետ հարցազրույցում նշել է, որ դիվանագիտական հարաբերությունների վերսկսման գլխավոր խոչնդոտը պաշտոնական Թբիլիսիի կողմից պարբերաբար հնչող հակառուսական հռետորաբանությունն է:
Վրաստանի նախագահի խորհրդականը ասել է, որ Վրաստանը ջանք չի խնայում, որպեսզի առկա բոլոր հարցերը մնան միջազգային հանրության օրակարգում: Տեղեկացնում է «frontnews.ge»-ն:
