Թափոնների վերամշակման գործարան կկառուցվի

Գարդաբանիի շրջանում կենցաղային պինդ թափոնների վերամշակման գործարան կկառուցվի:

Թբիլիսիի բարեկարգման քաղաքային գործակալության իրավաբանական բաժնի ղեկավար Լադո Կիլասոնիան «interpressnews.ge»-ի հետ զրույցում նշել է, որ հայտարարված մրցույթում հաղթող է ճանաչվել «KVD Georgia» ՍՊԸ-ն, որը 81 մլն ԱՄՆ դոլարով ամբողջովին կիրականացնի քաղաքային թափոնների վերամշակումը: Մեկ ամսվա ընթացքում պարզ կլինի շինարարության հետ կապված բոլոր մանրամասները:

Գործարանի համար կօգտագործվի Թբիլիսիի քաղաքապետարանի ենթակայության տակ գտնվող 50 հեկտար հողատարածքը Գարդաբանիում: Գործարանի համար անհրաժեշտ է 15 հեկտար հողատարածք, մնացած տարածքը կօգտագործվի, որպես պահեստ:

Գործարանը կարտադրի Եվրո 5 ստանդարտի դիզելային վառելիք: Այն հնարավորություն ունի օրական 400 տոննա վառելիք արտադրել, ինչը, ամենայն հավանականությամբ, կարտահանվի: Գործարանը շուրջ 1000 տոննա կենցաղային պինդ աղբ կվերամշակի:

Թողնել պատասխան