Վրաստանի Ֆինանասների նախարարության քննչական ծառայությունը կաշառք վերցնելու կասկածանքով ձերբակալել է Թբիլիսիի քաղաքապետարանին կից գործող «Ավտոսերվիս-16» ՍՊԸ -ի տնօրենին:
Հետաքննությունը հաստատել է, որ գործով մեղադրյալը ոմն քաղաքացու թույլատրել է օգտվել քաղաքապետարանին պատկանող ավտոտեխսպասարկման տարածքից` դրա փոխարեն պահանջելով 2000 լարի (շուրջ 778 դոլար):
Գործի քննությունն ընթանում է Վրաստանի Քրեական օրենսգրքի 338-րդ հոդվածի առաջին մասի հատկանիշներով, որը նախատեսում է 6-9 տարվա ազատազրկում:
