Վարդերի հեղափոխությունից 13 տարի է անցել

A Georgian soldier, supporting the opposition, celebrates in a car with a portrait of opposition party leader Mikhail Saakashvili near the presidential residence in Tbilisi, Sunday 23 November 2003. President Eduard Shevardnadze of Georgia finally caved into mass protests by the opposition 23 November and resigned after eleven years as post-Soviet leader in the Black Sea republic. EPA/SERGEI ILNITSKY

«Միացյալ ազգային շարժում»-ը «Վարդերի հեղափոխության» կապակցությամբ շնորհավորել է Վրաստանի բնակչությանը: Ստորեւ ներկայացնում ենք կուսակցության կողմից տարածված հայտարարությունը ամբողջությամբ:

«Այսօր, Վրաստանի նորագույն պատմության ամենակարևոր իրադաձություններից հանդիսացող «Վարդերի հեղափոխության» 13-ամյակն է: «Վարդերի հեղափոխություն»-ը կոռուպցիայի և հանցագործության բարձր ցուցանիշ ունեցող Վրաստանին վերադարձրել է եվրոպական զարգացման հնարավորությանը: 2003 թվականի նոյեմբերի 23-ին հասարակությունը՝ Միխեիլ Սաակաշվիլիի և նրա թիմի առաջնորդությամբ հրաժարվել է կաշառքից, ԲՈՒՀ-երում «հաստատվելուց», կազմակերպված հանցավորությունից և բազմաթիվ այլ արատավոր երևույթներից, որոնք անկախության վերականգնումից հետո, ցավոք, դարձել էին մեր երկրի «այցեքարտ»-ը:

Ճանապարհը՝ «Վարդերի հեղափոխություն»-ից մինչ օրս, հեշտ չի եղել: Չնայած արտաքին ագրեսիային և ներքին դժվարություններին, Վրաստանը վիթխարի փոփոխություններ է իրականացրել: Եթե ոստիկանի կողմից կաշառք վերցնելը, կամ բարձրագույն ուսումնական հաստատություններում առանց կոռուպցիայի ընդգրկվելը ֆանտաստիկ էր համարվում՝ այժմ սա իրականություն է: Աշխարհի ամենակոռումպացված երկրներից համարվող Վրաստանը` բարեփոխումների տեսանկյունից առաջատարն էր: Անցյալին է հանձնվել էլեկտրաէներգիայի ժամանակացույցը և 90-ականներին բնորոշ խավարը: Պետական ծառայությունում պաշտոններ են զբաղեցրել երիտասարդներ, իսկ նրանց աշխատավարձը խորհրդանշականից դարձել է պատշաճ: Որակական թռիչք է գրանցվել երկրի ենթակառուցվածքներում: Արմատախիլ է արվել հանցագործությունը, մոռացության է տրվել այն ժամանակները, երբ երեկոյան զբոսնելը անվտանգ չէր:

Վրաստանը ամրապնդել է պաշտպանունակությունը, ստեղծել է բանակ և ոստիկանություն: «Վարդերի հեղափոխության» կարևորագույն ժառանգություններից է համարվում Ասլան Աբաշիձեի հանցագործ, ռուսամետ ռեժիմից Աջարիայի ազատագրումը: Հասարակության պատվերով իրականացված բարեփոխումները բարելավել են քաղաքացիների իրավիճակը, միևնույն ժամանակ երկիրը անուն է վաստակել միջազգային ասպարեզում: Վրաստանը դարձել էր կոռուպցիայի դեմ պայքարի և բարեփոխումների հոմանիշը: Վրաստանին լսում էին միջազգային քաղաքականության կարևորագույն դերակատարները, երկիրը ձեռք բերեց ՆԱՏՕ-ին անդամակցելու թեկնածուի կարգավիճակ եւ վերադարձավ Եվրոպայի քաղաքական քարտեզ:

«Վարդերի հեղափոխության» գախափարախոսությունը այսօր նույնպես ուժի մեջ է: Ճիշտ այս բարեփոխումների հետևանքով, պատմության մեջ առաջին անգամ, տեղի ունեցավ իշխանափոխություն՝ ընտրությունների ճանապարհով: Չնայած նրան, որ 2012 թվականից հետո, գրեթե բոլոր ոլորտներում անկում է գրանցվում, «Վարդերի հեղափոխության» ժառանգությունը այնքան ուժեղ է, որ Վրաստանը երբեք չի վերադառնա իր անցյալին: «Վարդերի հեղափոխության» բարեփոխումների հաջողության մասին է խոսում այն փաստը, որ չնայած վերը նշված անկման փաստերին, Վրաստանը միևնույն է տարածաշրջանում առաջատարն է ինստիտուցիոնալ կայունության և կոռուպցիայի ցածր ցուցանիշի տեսանկյունից:

«Վարդերի հեղափոխություն»-ը դրել է Վրաստանի պետականության եվրոպական զարգացման ամուր հիմքը: Խորապես համոզված ենք, որ Վրաստանը, ի վերջո, կհասնի բոլոր այն նպատակներին, որոնք կմիավորեն բոլորին՝ եվրոպական և Եվրատլանտյան լիարժեք անդամակցությանը, լիարժեք լիբերալ ժողովրդավարությանը և կվերականգնի տարածքային ամբողջականությունը: Հավատացած ենք նաև, որ մեր երկիրը կհասնի այն նպատակներին, որոնց «Վարդերի հեղափոխություն»-ից հետո չենք հասել: Դրանց թվում են լիովին անկախ դատարանը, հակակշիռների և զսպումների մեխանիզմերի առկայությունը»:

Թողնել պատասխան