Վրաստանում ադրբեջանալեզու և հայալեզու դպրոցները վերականգնվում են ԱՄՆ-ի հաշվին

Ամերիկայի հազարամյակի մարտահրավեր կորպորացիան Վրաստանին հատկացրել է 68 մլն դոլարի չափով գրանտ՝ կրթական ենթակառուցվածքների զարգացման համար։

Նախատեսվում է նաև հիմնականում ադրբեջանցիներով բնակեցված Քվեմո Քարթլիի 13 դպրոցի հիմնանորոգումը։ Այս մասին ասվել է հիմնադրամի համաժողովում:

Կազմակերպության ենթակառուցվածքային նախագծերի վրաստանյան ներկայացուցչության տնօրեն Քարթլոս Կիպիանիի խոսքերով, տարածաշրջանում վերականգնված 9 դպրոցները ադրբեջանական են։

«Ակնկալվում է, որ դպրոցների վերակառուցումը կավարտվի մայիսին: Քվեմո-Քարթլիի շրջանում բազմաթիվ դպրոցներ նորոգման կարիք ունեն, սակայն ֆոնդի կարողությունը սահմանափակ է: Կազմակերպությունը նորոգման աշխատանքներ է իրականացնում Վրաստանի տարածքով շուրջ 90 դպրոցներում»,-նշել է Կիպիանին:

Կիպիանին նաև նշել է, որ նորոգման ենթակա դպրոցների ընտրության ժամանակ քվոտաներ են եղել նաև ադրբեջանալեզու և հայալեզու դպրոցների համար։

Թողնել պատասխան