28 տարի առաջ, ապրիլի 19-ին, Վրաստանի Խուլոյի շրջանի Տաբլանա գյուղում տեղի ունեցած ողբերգական իրադարձությունները հիշատակել է Վրաստանի վարչապետը: 28 տարի առաջ սողանքի հետևանքով ամբողջ գյուղը մաքրվել է երկրի երեսից, 24 մարդ է զոհվել, 3 մարդ մինչ օրս անհայտ կորած է համարվում:

Գյուղ այցելության ժամանակ, իր ելույթում, Գիորգի Կվիրիկաշվիլին ասել է, որ 28 տարի առաջ բնական աղետի հետևանքով տուժած քաղաքացիները փոխհատուցում կստանան:

«Իմացեք, որ ձեր և մեր ցավ չկա, կա մեր ընդհանուր ցավ»,- հայտարարել է վարչապետը:

Հավաքվածներին խոսքով դիմել է նաև Աջարիայի ինքնավար հանրապետության կառավարության ղեկավար Զուրաբ Պատարաձեն՝ նշելով, որ միշտ հիշելու են բնության արհավիրքի զոհ դարձած մարդկանց։