GEM Fest-ի աշխատակիցներն աշխատավարձ չստանալու դեպքում դատարան կդիմեն

gemfestdasaqmebulebi

GEM Fest էլեկտրոնային երաժշտության փառատոնի աշխատակիցները մինչև շաբաթվա վերջ չվարձատրվելու դեպքում բողոք կներկայացնեն դատարան: Նշված անձանց  իրավաբանական օգնություն է ցուցաբերում «Վրաստանի երիտասարդ իրավաբանների ասոցիացիան»:

Ինչպես interpressnews.ge-ին տեղեկացրել է «Վրաստանի երիտասարդ իրավաբանների ասոցիացիայի» Զուգդիդիի գրասենյակի ղեկավար Ջեմալ Ճկադուան, եթե մինչև օգոստոսի 18-ը փառատոնի ղեկավարության և աշխատողների միջև համաձայնություն ձեռք բերվի՝ աշխատակիցները դատարան բողոք չեն ներկայացնի:

«GEM Fest փառատոնի մեկնարկի օրվանից շուրջ 42 անձ է աշխատել: Պարզվում է, որ այդ մարդկանց փառատոնի ավարտին պես տուն են ճանապարհել՝ առանց աշխատավարձ վճարելու և առանց որևէ պարզաբանման: Աշխատակիցներից մի քանիսը ստացել է աշխատավարձի միայն մի մասը, ղեկավարությունը խոստացել է վճարել մնացած գումարը նույնպես, սակայն աշխատողներն իրենց հասանելիք գումարը չեն ստացել: Աշխատակիցներն ունեն նաև աշխատանքային պայմանագրեր, որտեղ մանրամասն գրված են վճարելիք գումարի չափն ու ժամկետները: Ստեղծված իրավիճակում լավագույն որոշումը մինչև օգոստոսի 18-ը աշխատակիցների վաստակած գումարի վճարումն է, հակառակ դեպքում գործը կգնա դատարան»,- հայտարարել է Ջեմալ Ճկադուան:

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>