Վրաստանում առկա է ռուսական քարոզչությունը, որը հիմնականում տարածում են վրացալեզու լրատվամիջոցները։
Նման պատկեր են ցույց տվել Վրաստանի գրեթե ողջ տարածքում ԱՄՆ Ազգային ժողովրդավարության ինստիտուտի (NDI) անցկացված հարցումները: «Համաձայն եք, որ Վրաստանում ռուսական քարոզչություն գոյություն ունի» հարցին 47 տոկոսը դրական պատասխան է տվել, 27-ը՝ բացասական, 26-ը դժվարացել է պատասխանել:
Հարցվածների 39 տոկոսը ասել է, որ երկրում ռուսական քարոզչությունը հիմնականում տարածում են վրացալեզու հեռուստաընկերությունները։ 14 տոկոսի համար դա անում են քաղաքացիական հասարակության ներկայացուցիչները։ Հարցվածների 6 տոկոսը կարծում է, որ քարոզչությունը տարածում են ռուսական թերթերը, 3-ը՝ ընկերներն ու հարևանները:
Տեղեկացնենք՝ NDI-ը շուրջ 2 հազար 493 քաղաքացու շրջանում հարցումներն իրականացրել է ապրիլի 7-28 ընկած ժամանակահատվածում:
