Վրաստանի նորանշանակ վարչապետ, ներքին գործերի նախկին նախարար Գիորգի Գախարիան խոսել է հունիսի 20 լույս 21-ի գիշերվա իրադարձությունների մասին:
«Եթե ես թույլ տայի գրոհել խորհրդարանը, հենց այդ գիշեր էլ հրաժարական կտայի»,- ասել է Գախարիան:
Նրա խոսքով, հրաժարականով նա կապացուցեր իր մեղավորությունը, մինդչեռ նա նշել է, որ իրեն մեղավոր չի զգում ու հրաժարական չտալու հիմնական պատճառը սկզբունքայնությունն է։
«Առհասարակ, ցանկացած պաշտոն մարտահրավեր է ու պատասխանատվություն, ուրիշ ոչինչ: Սակայն հրաժարական չտալու հիմնական պատճառը սկզբունքն էր: Իհարկե, պատասխանատվություն եմ զգում յուրաքանչյուր վիրավորի համար, յուրաքանչյուր ոստիկանի համար։ Վաղը, մյուս օրն ու ապագայում նրանք պետք է ծառայեն այս երկրին: Իսկ պետական ինստիտուտ ներխուժումը գրոհ է կոչվում, ինչը կանխվել է»,- ասել է Գախարիան։
