Խորհրդարանական մեծամասնության անդամ Գիա Վոլսկիի հայտարարությամբ՝ իր թիմակից Հենզել Մկոյանը հայտարարություններով փորձում է ուշադրություն գրավել:
«Մկոյանի կողմից այս տեսակ սխալ տեղեկության տարածման կարիք չկա: Ընդունվել է քաղաքական որոշում, որը դեմ չէ նրա անձին, այլ ծառայում է Ախալքալաքի և Նինոծմինդայի բնակչության շահերին: Այժմ փորձում է հանրայնացնել իր անձը և ուշադրություն գրավել: Իրականում, հանրությունը կորոշի ում աջակցել»,- հայտարարել է Վոլսկին:
Հիշեցնենք, որ պատգամավոր Հենզել Մկոյանի փաստաբանի խոսքով` Մկոյանին շանտաժի են ենթարկում, սպառնում սպանել, և նրանից 5 մլն դոլար շորթելու փորձ է եղել: Նրա խոսքով՝ Մկոյանը վախեցած է և Վրաստանում ԱՄՆ դեսպանի հետ հանդիպում է պահանջում:
Մկոյանին շանտաժի են ենթարկում, սպառնում են սպանել և գումար շորթել. փաստաբան
