Համաշխարհային բանկի՝ COVID-19-ի հետ կապված արձագանքի արտակարգ միջոցառումների նախագծի շրջանակներում հատկացված 80 մլն ԱՄՆ դոլարի ֆինանսական աջակցությամբ, Վրաստանի կառավարությունը 250 000 PCR թեստ և հակամարմնի ու հակագենի վրա հիմնված 147 000 արագ թեստ է ձեռք բերել:
Համաշխարհային բանկի Թբիլիիի տարածաշրջանային գրասենյակի տեղեկատվությամբ՝ թեստերի այս քանակը հուլիսի կեսերից Վրաստանում թույլ կտա եռապատկել թեստերն անցկացնելու հնարավորությունը:
Սրա հետ մեկտեղ, համաշխարհային բանկի ֆինանսավորմամբ երկրի մասշտաբով տարբեր հիվանդանոցների համար ձեռք է բերվել արհեստական շնչառության 30, ինչպես նաև անհետաձգելի օգնության 20 շարժական ապարատ՝ շտապ օնության մեքենաների համար:
Համաշխարհային բանկն առաջին միջազգային կազմակերպությունն է, որը Վրաստանին օգնություն է ցուցաբերել COVID-19-ի դեմ պայքարլու հարցում:
Համաշխարհային բանկը Վրաստանին 80 մլն ԱՄՆ դոլարի չափով օգնություն է հատկացրել ու հաստատել գումարը 2020 թվականի մայիսի 1-ին. նախագիծը բանկի արագ արձագանքի փաթեթի մասն է (FTCF):
