Վրաստանում 2025 թվականի առաջին կեսին մահացածների թիվը գերազանցել է ծնվածների թվին։ Այդ ընթացքում գրանցվել են նաև ամուսնություններ և ամուսնալուծություններ։

Ըստ Վրաստանի ազգային վիճակագրական ծառայության հիմնական ժողովրդագրական ցուցանիշների՝ 2025 թվականի հունվար-հունիս ամիսներին Վրաստանում ծնվել է 17 719 երեխա։ Նույն ժամանակահատվածում երկրում մահացել է 22 718 մարդ։

Տարվա առաջին կեսին բնական աճը (կենդանի ծնվածների և մահացածների թվի տարբերությունը) կազմել է -4 999 մարդ։ Բնական աճի դրական ցուցանիշ է գրանցվել Թբիլիսիում (406) և Աջարիայի Ինքնավար Հանրապետությունում (296)։

Միևնույն ժամանակ, 6 ամսում գրանցվել է 9 925 ամուսնություն և 6 456 ամուսնալուծություն։

2025 թվականի հստակեցված տվյալները կհրապարակվեն 2026 թվականի մարտի վերջին։