Աբխազական Telegram ալիքները տեղեկություն են տարածել դե ֆակտո հանրապետությունում վառելիքի ճգնաժամի և բենզալցակայաններում հերթերի մասին։

Տեղեկությունը հաստատել են օկուպացված տարածաշրջանի դե ֆակտո իշխանությունների ներկայացուցիչները։ Ըստ դե ֆակտո էներգետիկայի նախարար Բատալ Մուխբայի՝ առաջիկա օրերին նախատեսվում է վառելիքի նոր խմբաքանակ մատակարարել, որը կբաշխվի վառելիքի շուկայի ներկայացուցիչներին։

Նրա խոսքով՝ որոշ ընկերություններ իսկապես բախվել են ռեսուրսների պակասի հետ, մինչդեռ մի շարք խոշոր խաղացողներ ունեն անհրաժեշտ պաշարներ և շարունակում են վառելիք վաճառել իրենց բենզալցակայաններում։