Խորհրդարանին արագացված կարգով քննարկման է ներկայացվել «Բարձրագույն կրթության մասին» օրենքում փոփոխություններ կատարելու մասին օրինագիծը, որի շրջանակներում կարգավորվում են պետական բարձրագույն ուսումնական հաստատությունների վերակազմակերպման հետ կապված հարցերը։
Նախագծի համաձայն՝ պետական բարձրագույն ուսումնական հաստատությունների վերակազմակերպման դեպքում կառավարությունը լիազորված է ընդունել որոշում, որը սահմանում է վերակազմակերպման նպատակները, ձևը և պայմանները, վերակազմակերպման գործընթացի կառավարման ժամանակավոր մեխանիզմները և այլն։
Նույն որոշմամբ, վերակազմակերպման ժամանակահատվածում և որոշակի ժամանակահատվածում, կարող է կասեցվել կամ փոփոխվել պետական բարձրագույն ուսումնական հաստատությունների օրենքով և/կամ կանոնադրությամբ սահմանված առանձին կառավարման մարմինների լիազորությունների իրականացման կանոնակարգը, եթե դա անհրաժեշտ է վերակազմակերպման նպատակներին հասնելու համար։
Վերոնշյալ դեպքում Կրթության նախարարը լիազորված է նշանակել ժամանակավոր ռեկտոր, վարչակազմի ղեկավարի ժամանակավոր պաշտոնակատար, որակի ապահովման ծառայության ղեկավարի ժամանակավոր պաշտոնակատար և ստեղծել ժամանակավոր կոլեգիալ կառավարման մարմին՝ ժամանակավոր կառավարման խորհուրդ, որին կփոխանցվի գիտական խորհրդի և ներկայացուցչական խորհրդի լիազորությունների իրականացումը՝ կառավարության որոշմամբ սահմանված շրջանակներում և ժամկետով։
