Կրթության նախարարության հաղորդմամբ՝ առաջին դասարանցիների ընդհանուր գրանցումը սկսվել է այսօր և կշարունակվի մինչև հունիսի 17-ը։

Գրանցումը կիրականացվի Կրթության կառավարման տեղեկատվական համակարգի պաշտոնական կայքում՝ registration.emis.ge:

Երեխայի գրանցումը համակարգում իրականացնում է ծնողը կամ օրինական ներկայացուցիչը։

Էլեկտրոնային եղանակով գրանցված աշակերտի գրանցման համար անհրաժեշտ փաստաթղթերի ներկայացումը դպրոցներում կիրականացվի հունիսի 18-ից մինչև հունիսի 27-ը։ Եթե փաստաթղթերը չներկայացվեն սահմանված ժամկետներում, գրանցումն ավտոմատ կերպով կչեղարկվի։