Բաթումիում ոստիկանության աշխատակիցները ձերբակալել են բողոքի ցույցերի մասնակից ուսանող Լուկա Նացվլիշվիլիին։

Բաթումիի համալսարանի ուսանող, ականատես Արչիլ Բերիձեի վկայությամբ, մայիսի 26-ի հանրահավաքն ավարտվել էր, երբ ինքը, Լուկա Նացվլիշվիլին և այլ ընկերներ ինչ-որ հարց էին քննարկում, և հենց այդ ժամանակ Նացվլիշվիլիին ձերբակալել են։

«Մոտ 30 ոստիկան տարավ Լուկային», — գրել է Բերիձեն։

Այս պահին նրա ընկերները պարզում են մանրամասները և սպասում են Բաթումիի ոստիկանության 3-րդ բաժանմունքի մոտ։ Ներկա է նաև փաստաբանը։

Ներքին գործերի նախարարության տվյալներով՝ Լուկա Նացվլիշվիլին կալանավորվել է վարչական իրավախախտման համար երկու հոդվածներով՝ անհնազանդություն ոստիկանությանը և մանր խուլիգանություն։