Հանրային հեռուստաընկերության շենքի առջև բողոքի ցույց են անցկացնում բողոքի ցույցերին մասնակցելու համար ձերբակալվածների ընտանիքների անդամները։

Նրանք ունեն երկու պահանջ.

• Հանրային հեռարձակողը պետք է ուղիղ հեռարձակում հատկացնի, որտեղ իրենք կխոսեն իրենց հուզող խնդիրների մասին,
• Հանրային հեռարձակողը պետք է ուղիղ եթերով լուսաբանի բոլոր դատական ​​նիստերը։

Ընտանիքներն այսօր պաշտոնական հայտարարություն են հղել Հանրային հեռարձակողին։

Ըստ հայտարարության` եթե պահանջները մի քանի օրվա ընթացքում չբավարարվեն, ապա իրենք կսկսեն ակտիվ շփումները միջազգային կազմակերպությունների հետ։