Սննդի ազգային գործակալության տվյալներով՝ 2025 թվականի մայիսի 20-ին Դեդոփլիսծկղարոյի ձմեռային արոտավայրերի ֆերմայում շան կատաղության դեպք է գրանցվել։
«Լաբորատոր հետազոտությունների արդյունքում շան մոտ կատաղության դեպք է հաստատվել»,- գրել է գործակալությունը։
Պարզվել է, որ վարակի աղբյուրը գայլն է եղել։
Սննդի ազգային գործակալությունը բռնկման գոտում իրականացնում է կարանտինային միջոցառումներ, որոնք ներառում են պարտադիր պատվաստում, կենդանիների տեղաշարժի սահմանափակում, ախտահանում և կենդանիների անասնաբուժական հսկողություն։ Դեպքի մասին տեղեկացվել են համապատասխան առողջապահական մարմինները։
«Գործակալությունը կոչ է անում բնակչությանը ժամանակին պատվաստել իրենց ընտանի կենդանիներին (շներին, կատուներին)՝ կենդանիների կատաղությունը կանխելու և սեփական կյանքը չվտանգելու համար», — նշված է Սննդի ազգային գործակալության հրապարակած հաղորդագրության մեջ։
Կատաղությունը վտանգավոր զոոնոզ հիվանդություն է, որով կարող են վարակվել և՛ ընտանի, և՛ վայրի կենդանիները, մարդիկ` նույնպես։ Վարակը տարածվում է վարակված կենդանու հետ շփման միջոցով (կծում, քերծվածք): Երբ կլինիկական նշաններ են ի հայտ գալիս, հիվանդությունը մահացու է։ Կենդանիների մոտ կատաղությունը կարելի է կանխարգելել պատվաստման միջոցով։
Սննդի ազգային գործակալությունը ամեն տարի առնվազն 300 հազար կենդանու անվճար պատվաստումներ է իրականացնում կատաղության դեմ։
