Վրացական հասարակական առնվազն 40 կազմակերպություն համատեղ հայտարարություն է ստորագրել:

Հայտարարության համաձայն` Իվանիշվիլիի կառավարությունն ամբողջությամբ պատասխանատու է դեպի Եվրամիության երկրներ առանց վիզայի ճանապարհորդության հնարավորության վտանգման համար։

Կազմակերպությունները կոչ են արել «Վրացական երազանք»-ի հիմնադիր և պատվավոր նախագահ Բիձինա Իվանիշվիլիին դադարեցնել «ընտրությունների և Վրաստանի Սահմանադրության սաբոտաժը»։

Հայտարարության համաձայն՝ Եվրամիությունը պաշտոնական նամակ է ուղարկել Իվանիշվիլիի կառավարությանը, որը վերաբերում է առանց վիզայի ռեժիմի պայմանների հնարավոր վերանայմանը։ Նամակում արտացոլված են Եվրամիության լուրջ մտահոգությունները Վրաստանում ստեղծված իրավիճակի վերաբերյալ՝ ժողովրդավարական հետընթաց, իրավական չափանիշների խախտում և եվրոպական արժեքների անտեսում։