Իշխող «Վրացական երազանք» կուսակցության գլխավոր քարտուղար Կախա Կալաձեն, որը նաև Թբիլիսիի քաղաքապետն է, Վրաստանում հանդիպել է ռուս մարզիկ Ումար Կռիլովին։
Կալաձեն լրագրողներին ասել է, որ վաղուց ծանոթ է միջազգային ֆեդերացիայի նախագահի հետ, որը նաև հաջողակ բիզնես ունի Ռուսաստանում։
«Ումարը Բռնցքամարտի համաշխարհային ասոցիացիայի նախագահն է։ Ես նրան վաղուց եմ ճանաչում, այլ բան չկա, նա պարզապես եկել է Վրաստան։ Ընդամենը բարեկամական այց էր», — ասել է Կախա Կալաձեն։
Ումար Կռիլովը Ռուսաստանում զբաղվում է ավտոմեքենաների բիզնեսով։ Նա «Ռոլֆ» ընկերության սեփականատերն է, որը, ըստ ընկերության կայքի, 2024 թվականին առաջատարն էր ավտոմեքենաների վաճառքի եկամտով. ընկերությունն ունի 121 ցուցասրահ Ռուսաստանում և վաճառում է ընդհանուր առմամբ 30 ապրանքանիշի նոր և օգտագործած մեքենաներ։
