Միխեիլ Կղավելաշվիլին հայտնել է, որ Հռոմի պապ Լևոն XIV-ի հետ հանդիպման ժամանակ նրան հրավիրել է Վրաստան։
«Վրացական երազանք»-ի ընտրած 6-րդ նախագահը, որը մասնակցել է Լևոն XIV-ի երդմնակալությանը, ապա հանդիպել նրա հետ, ֆեյսբուքում գրել է.
«Հանդիպման ժամանակ մենք քննարկեցինք Վրաստանի և Սուրբ Աթոռի միջև առկա հարաբերությունները և համագործակցության ամրապնդման հեռանկարները՝ քրիստոնեական արժեքների վրա հիմնված միությունը կարևոր հիմք է ստեղծում սերտ գործընկերության համար»։
Կղավելաշվիլիի խոսքով՝ ինքը շնորհակալություն է հայտնել Հռոմի պապին Վրաստանի ինքնիշխանության և տարածքային ամբողջականության նկատմամբ ցուցաբերած աջակցության համար։
«Իր հերթին, Նորին Սրբությունը հայտնեց իր պատրաստակամությունը ապագայում խորացնելու գործընկերությունը Վրաստանի հետ։ Հանդիպման ավարտին ես հրավիրեցի Կաթոլիկ եկեղեցու ղեկավարին Վրաստան», — գրել է Կղավելաշվիլին։
Հիշեցնենք, Կղավելաշվիլին կնոջ հետ մասնակցել է Հռոմի պապի երդմնակալության արարողությանը։
Նոր Հռոմի պապ Լևոն XIV-ը (Ռոբերտ Պրևոստ) ընտրվել է մայիսի 8-ին:
Նոր պապի ընտրությունը անհրաժեշտ դարձավ այն բանից հետո, երբ ապրիլի 21-ին Վատիկանում 88 տարեկան հասակում մահացավ Հռոմի պապ Ֆրանցիսկոսը։
