Դատավոր Զվիադ Ցեկվավան հոկտեմբերի 18-ին ձերբակալված երկու անձանց՝ Լևան Ջոբավային և Շալվա Չուբինիձեին ճանաչեց որպես օրինախախտ և երկուսին էլ դատապարտեց 14-օրյա վարչական կալանքի։

Մեկ այլ դատավոր` Մանուչար Ցացուան, նույն գործով Սաբա Խոմերիկիին և Նինո Սվանիձեին նույնպես ճանաչեց որպես օրինախախտ և Սաբա Խոմերիկիին դատապարտեց 8-օրյա վարչական կալանքի, իսկ Նինո Սվանիձեին՝ 5-օրյա։

Գելա Գամկղրելիձեն, Վախթանգ Մաճավարիանին և Մամուկա Կուպրեիշվիլին ազատ արձակվեցին վարչական կալանքից։

Հիշեցնենք, հոկտեմբերի 18-ին Ներքին գործերի նախարարությունը Ռուսթավելիի պողոտայում ձերբակալել է 14 անձի՝ ճանապարհի երթևեկելի մասը փակելու և դեմքը ծածկելու համար. նրանց նկատմամբ վարչական վարույթներ են ընթանում։