Եվրոպայի խորհրդի լրագրողների անվտանգության հարթակը կոչ է արել դադարեցնել Netgazeti-ի լրագրող Մարիամ Ձիձարիայի նկատմամբ վարչական հետապնդումը։
Netgazeti-ի լրագրող Մարիամ Ձիձարիային ՆԳՆ-ն մեղադրում է ճանապարհի արհեստական «փակման» համար։ Լրագրողի խոսքով` ինքը Ռուսթավելիի պողոտայում կատարում էր իր մասնագիտական պարտականությունները։
Նրան սպառնում է մինչև 15 օր վարչական կալանք։
«Գործը քննվում է դատարանում։ «Ճանապարհի փակումը» (Վրաստանի վարչական իրավախախտումների օրենսգրքի 174-րդ հոդվածի 5-րդ մասը) կարող է հանգեցնել մինչև 15 օր վարչական կալանքի հանրահավաքի մասնակիցների համար, իսկ կազմակերպիչների համար՝ մինչև 20 օր։ «Վերը նշված օրենքի կրկնակի խախտումները կարող են հանգեցնել Վրաստանի քրեական օրենսգրքի 347-րդ հոդվածով նախատեսված պատասխանատվության, որը նախատեսում է մինչև մեկ տարի ազատազրկում», — ասված է հարթակի հայտարարության մեջ՝ պահանջելով դադարեցնել նրա դեմ վարչական գործը։
