«Դիվանագիտական ծառայության մասին» օրենքում փոփոխություններ են կատարվում։ «Վրացական երազանք»-ի նախաձեռնած օրինագիծը առաջին ընթերցմամբ հավանության է արժանացել խորհրդարանի արտաքին հարաբերությունների և պաշտպանության հարցերով հանձնաժողովում։
Օրինագծի համաձայն՝ դիվանագիտական պաշտոնյային վաղաժամկետ հետ կկանչեն այն դեպքում, եթե «նրա գործողությունները վնասեն երկրի շահերին կամ հեղինակությանը»։
«Դիվանագիտական ներկայացուցչություններում և հյուպատոսական հաստատություններում ռոտացիայի սկզբունքով գործուղման ժամկետի վաղաժամ դադարեցման հիմքերին ավելացվել է դրույթ, ըստ որի՝ նախարարի վարչական-իրավական ակտով հաստատված էթիկայի և վարքագծի ընդհանուր կանոնների այնպիսի խախտումը գործուղված անձի կողմից, որը կարող է հանգեցնել երկրի շահերի և/կամ հեղինակության վնասմանը, կամ այնպիսի արարք կատարելը, որը հակասում է Վրաստանի խորհրդարանի սահմանած արտաքին քաղաքականության հիմնական ուղղություններին և նախարարության շահերին, համարվում է վաղաժամ հետկանչման հիմք» – նշված է օրինագծում։
Ըստ օրինագծի, Վրաստանի՝ որպես ժողովրդավարական պետության կերպարի բարձրացման համար անհրաժեշտ միջոցառումներ իրականացնելու համար օրենսդրությունը սահմանում է անհատների արտասահմանյան երկարաժամկետ գործուղումների հնարավորություն, և եթե գործուղված անձի գործողությունները չեն արդարացնում նրա գործուղման նպատակը, ապա նպատակահարմար է, որ օրենքը նախատեսի նման պաշտոնատար անձի վաղաժամկետ հետկանչի հնարավորությունը։
Օրինագծով նաև սահմանվում է, որ դիվանագիտական պաշտոնատար անձինք գնահատման կենթարկվեն ոչ թե տարեկան մեկ անգամ, այլ՝ տարեկան առնվազն երկու անգամ։
Օրինագծի համաձայն, դիվանագիտական պաշտոնատար անձանց համար ռոտացիայի ժամկետի երկարացման հնարավորությունն ավելանում է մինչև 1 տարի։
