Թբիլիսիից դեպի Արևմտյան Վրաստան և հակառակ ուղղությամբ շարժվող տրանսպորտային միջոցներին Թբիլիսիում թույլատրվել է կատարել միայն մեկ կանգառ։ Սա նախատեսված է նոր կանոնակարգով, որն ուժի մեջ է մտել հունվարի 1-ից։
Ավելի կոնկրետ, փոփոխության համաձայն, ուղևորափոխադրումներ իրականացնող տրանսպորտային միջոցներին արգելվել է կանգ առնել Աղմաշենեբելիի ծառուղուն հարող տարածքում։ Ուղևորների նստեցման և իջեցման նպատակով կանգառ է նախատեսված միայն «Օկրիբա» ավտոկայանի մոտ։
Այս տեղեկությունը BusinessPressNews-ի հետ զրույցում հաստատել են այն ընկերությունները, որոնք ավտոբուսներով ուղևորափոխադրումներ են իրականացնում մայրաքաղաքից դեպի արևմտյան ուղղություն։
Մասնավորապես, «Օմնիբուս Էքսպրես»-ը պարզաբանել է, որ հունվարի 1-ից ուժի մեջ է մտել նոր կանոնակարգ, որն արգելում է ավտոբուսների կանգառը Աղմաշենեբելիի ծառուղու վրա։
«Թբիլիսի մտնող ավտոբուսը կկանգնի նախ «Օկրիբա»-ում, իսկ հետո՝ Օրթաճալայի ավտոկայանում»,- հայտնել են ընկերությունից։
