Վրաստանում ԵՄ դեսպան Պավել Հերչինսկին Եվրոպայի օրվա կապակցությամբ տեսաուղերձ է հրապարակել և հանրությանը հրավիրել վաղը՝ մայիսի 9-ին, Expo Georgia-ում կայանալիք միջոցառմանը։
«Մենք ամեն տարի մայիսի 9-ին նշում ենք Եվրոպայի օրը։ Եվրոպական Միությունը խաղաղություն, ժողովրդավարություն և բարգավաճում է բերել մեր 27 անդամ պետություններին։
Մենք սրտանց հրավիրում ենք ձեզ գալ և ավելին իմանալ մեր աջակցության մասին։ Եկեք Եվրոպայի օրը նշենք մայիսի 9-ին Expo Georgia-ում՝ ձեր ընտանիքների և ընկերների հետ, և նշենք այն, ինչը մեզ միավորում է», — ասել է ԵՄ դեսպանը։
Դեսպանը նշել է նաև, որ Եվրոպայի օրը յուրաքանչյուրը մտորում է ընդհանուր պատմության շուրջ և անհամբեր սպասում այն ապագային, որը ցանկանում է ստեղծել Վրաստանի հետ միասին։
