10 վրացի ուսանող հնարավորություն կունենա սովորելու Մուհամեդ բին Զայեդի անվան արհեստական բանականության համալսարանում, խորհրդարանի արտաքին հարաբերությունների հանձնաժողովի նիստում հայտարարել է Վրաստանում Արաբական Միացյալ Էմիրությունների դեսպան Ահմեդ Ալ Նուաիմին։
«Ուրախ եմ այսօր ձեզ հայտնել, որ 10 վրացի ուսանող հնարավորություն կունենան սովորելու Մուհամեդ բին Զայեդի անվան արհեստական բանականության համալսարանում՝ իրենց գիտելիքներն ընդլայնելու նպատակով», — ասել է դեսպանը։
Նա չի նշել մանրամասները, թե ով է ֆինանսավորելու վրացի ուսանողներին։
«Վրացական երազանք»-ի պատվիրակությունը Ահմեդ Ալ Նուաիմիին հրավիրել է խորհրդարան՝ քննարկելու Վրաստանի և Արաբական Միացյալ Էմիրությունների միջև հարաբերությունները և Արաբական Միացյալ Էմիրությունների արտաքին քաղաքականությունը։ Դեսպանի ներածական ելույթից հետո լսումները շարունակվել են փակ նիստում։
Մուհամեդ բին Զայեդի արհեստական բանականության համալսարանը (MBZUAI) գտնվում է Աբու Դաբիում։ Համալսարանն ուսանողներին առաջարկում է մագիստրոսական և դոկտորական ծրագրեր։
