Անազատության մեջ գտնվող Գիորգի Ախոբաձեի և Անատոլի Գիգաուրիի դատավճռի հրապարակումն անորոշ ժամանակով հետաձգվել է։
Դատավոր Ռոմեո Միքաուտաձեն այսօր` ժամը 10:00-ին, պետք է հրապարակեր եվրոպամետ ցույցերի ժամանակ թմրանյութերին առնչվող մեղադրանքով ձերբակալված Գիորգի Ախոբաձեի դատավճիռը։
Անատոլի Գիգաուրիի դատավճիռը պետք է հրապարակեր Ջվաբե Նաճկղեբիան` եզրափակիչ ելույթները լսելուց հետո։ Թե երբ կհրապարակվի նրանց դատավճիռը` հայտնի չէ։
Հիշեցնենք. Անատոլի Գիգաուրին ձերբակալվել է անցյալ տարվա նոյեմբերի 25-ին։ Անատոլի Գիգաուրիի փաստաբան Լաշա Ցուցկիրիձեն ասել է, որ մեղադրյալը գործել է անհրաժեշտ ինքնապաշտպանության շրջանակում` ձեռքով հարվածելով ոստիկանին։ Ըստ քննչական մարմնի՝ նա հարձակվել է հասարակական կարգը պահպանելու նպատակով այնտեղ գտնվող պարեկային տեսուչի վրա և գործադրել ֆիզիկական ուժ։ Անատոլի Գիգաուրիին սպառնում է չորսից յոթ տարի ազատազրկում։
Գիորգի Ախոբաձեն ձերբակալվել է անցյալ տարվա դեկտեմբերի 7-ին մայրաքաղաքի կենտրոնում՝ Ռուսթավելիի պողոտայում տեղի ունեցած բողոքի ցույցից տուն վերադառնալիս։ Պետական մարմինների պնդմամբ` նա թմրանյութեր է պահել։ Առաջադրված մեղադրանքներով նրան սպառնում է 8-ից 20 տարի կամ ցմահ ազատազրկում։
