2024 թվականին ճանապարհատրանսպորտային պատահարների թիվը կազմել է 5866, ինչը գրեթե կրկնակի ավելի է 2004 թվականի ցուցանիշից։

Այս տվյալները հայտնել է Geostat-ը (Վրաստանի ազգային վիճակագրական ծառայություն)։

Ներքին գործերի նախարարության պաշտոնական վիճակագրության համաձայն՝ 2025 թվականի առաջին 6 ամիսներին տեղի է ունեցել 2860 ճանապարհատրանսպորտային պատահար։

Հունվարից հուլիս ընկած ժամանակահատվածում ճանապարհատրանսպորտային պատահարների հետևանքով զոհվել է 216 մարդ, վիրավորվել՝ 2816-ը։ Մահացածներից 79-ը հետիոտն են եղել, 14-ը՝ երեխաներ։

Պաշտոնական վիճակագրության համաձայն՝ ճանապարհատրանսպորտային պատահարների գրեթե կեսը՝ 1369 դեպք, տեղի է ունեցել Թբիլիսիում։ Մայրաքաղաքում վթարներից զոհերի թիվը 50 է։

Տվյալների համաձայն՝ համեմատության կարգով 2004 թվականին պատահարների թիվը կազմել է 2936, իսկ հաջորդ 4-4 տարիներին ընթացել է տարբեր դինամիկայով։ Ավելի կոնկրետ, չորս տարվա ժամանակահատվածի վիճակագրությունն այսպիսին է.

• 2004` 2936 ճանապարհատրանսպորտային պատահար,
• 2008` 6015 ճանապարհատրանսպորտային պատահար,
• 2012` 5359 ճանապարհատրանսպորտային պատահար,
• 2016` 6939 ճանապարհատրանսպորտային պատահար,
• 2020` 4999 ճանապարհատրանսպորտային պատահար,
• 2024` 5866 ճանապարհատրանսպորտային պատահար։

Նշենք, որ Վրաստանում ներկայումս գրանցված է 1 մլն 948 հազար 428 տրանսպորտային միջոց։