Սեպտեմբերի 23-ի ժամը 19:00-ին Թբիլիսիում երթ է անցկացվելու եվրոպամետ բողոքի ցույցերի 300-րդ օրվա կապակցությամբ։
«300 օր շարունակ Վրաստանում տեղի են ունենում բողոքի ցույցեր։ 300 օր շարունակ ռեժիմն ահաբեկում է, ձերբակալում, վախեցնում, անօրինականորեն բանտարկում և անարդարացիորեն պատժում ազատ հասարակությանը։
300 օր շարունակ խախտվում են Վրաստանի Սահմանադրությունն ու օրենքները, սպառնում Վրաստանի ինքնիշխանությանը և լիովին մեկուսացնում երկիրը քաղաքակիրթ աշխարհից։
300 օր շարունակ ռեժիմը պայքարում է երկրի արևմտյան գործընկերների, քաղաքացիական հատվածի, բիզնեսի և կուսակցությունների դեմ, ավերում է համակարգերը և զավթում պետական հաստատությունները։ 300 օր շարունակ ամրապնդվում է ավտորիտարիզմը և երկիրը վերածում ռուսական նահանգի, կապում երկրի տնտեսությունը ռուսական և չինական շուկաներին։
Հետևաբար և շատ այլ պատճառներով մենք 300 օր կանգնած ենք փողոցներում, և մենք կկանգնենք մինչև երկիրը վերադառնա ժողովրդավարական զարգացման ուղի, մինչև բոլոր քաղբանտարկյալները ազատ արձակվեն և նոր արդար խորհրդարանական ընտրություններ անցկացվեն», — հայտարարել են երթի կազմակերպիչները։
