Վրաստանում ԵՄ երկրների դեսպանությունները համատեղ հայտարարություն են տարածել:
Հայտարարությունը տարածվել է Նիդերլանդների, Ավստրիայի, Բելգիայի, Բուլղարիայի, Խորվաթիայի, Չեխիայի, Կիպրոսի, Դանիայի, Էստոնիայի, Եվրամիության, Ֆինլանդիայի, Ֆրանսիայի, Գերմանիայի, Հունաստանի, Իռլանդիայի, Իտալիայի, Լատվիայի, Լիտվայի, Լյուքսեմբուրգի, Նորվեգիայի, Լեհաստանի, Պորտուգալիայի, Ռումինիայի, Սլովենիայի, Իսպանիայի, Շվեդիայի և Միացյալ Թագավորության դեսպանատների անունից:
«Մենք խստորեն դատապարտում ենք Վրաստանում որոշ դիվանագիտական առաքելությունների դերի և գործունեության վերաբերյալ անհիմն և վնասակար մեղադրանքները: Նման ապատեղեկատվությունը մոլորեցնում է հանրությանը և խաթարում մեր դիվանագիտական առաքելությունների պարտականությունների կատարման կարողությունը», — ասված է հայտարարության մեջ:
Դեսպանությունների նշմամբ, լայն շրջանակի ներկայացուցիչների՝ կառավարության, ընդդիմության, քաղաքացիական հասարակության և ընդհանրապես քաղաքացիների հետ դիվանագետների հանդիպումները դիվանագիտական աշխատանքի բնականոն մասն են և լիովին համապատասխանում են Վիեննայի կոնվենցիային։
«Մենք չենք աջակցում որևէ կոնկրետ քաղաքական կուսակցության, և բռնության ու ծայրահեղականության աջակցության հայտարարությունները պարզապես իրականությանը չեն համապատասխանում: Իրականում մենք կոչ ենք անում բոլոր գործիչներին մերժել և դատապարտել բռնության ցանկացած ձև:
Մենք կոչ ենք անում բոլոր քաղաքական առաջնորդներին զերծ մնալ բախման հռետորաբանությունից և ջանքեր գործադրել լարվածությունը թուլացնելու համար»,– հայտարարել են դեսպանությունները։
