Հոկտեմբերի 12-ին Շենգենյան երկրների միջև մի քանի սահմանային անցակետերում գործարկվել է էլեկտրոնային մուտքի և ելքի նոր համակարգ (EES):
Այսուհետ երրորդ երկրների քաղաքացիների համար, այդ թվում՝ Շենգենյան տարածք (ներառյալ Վրաստանը) առանց վիզայի մուտք ունեցողների համար անհրաժեշտ կլինի տրամադրել կենսաչափական տվյալներ:
Նոր համակարգը սկզբում կներդրվի երեք երկրներում, որոնց իշխանությունները հայտարարել են անհապաղ ներդրման պատրաստակամության մասին: Այդ երկրներն են՝ Չեխիան, Էստոնիան և Լյուքսեմբուրգը: Գերմանիայում նոր համակարգն առայժմ կգործարկվի Դյուսելդորֆի օդանավակայանում:
EES-ը էլեկտրոնային եղանակով գրանցում է այն երրորդ երկրների քաղաքացիների տվյալները, որոնք կարճ ժամանակահատվածով մուտք են գործել Շենգենյան երկրներ:
Այս կարգը չի տարածվի Շենգենյան երկրներում բնակության թույլտվություն ունեցող երրորդ երկրների քաղաքացիների և Շենգենյան երկրների քաղաքացիների (ներկայում՝ 29 երկիր) վրա: Նրանց համար սահմանային անցակետերում կլինեն առանձին հերթեր:
Համակարգը կստեղծի Շենգենյան տարածք այցելող քաղաքացիների կենսաչափական տվյալների թվային տվյալների բազա: Հետագա սահմանային անցակետերում նրանց կենսաչափական տվյալները կստուգվեն ըստ նախնական գրանցման:
