Փաստաբանների ասոցիացիայի նախագահ Դավիթ Ասաթիանիի խոսքով՝ դատարանում լուսանկարահանումը, տեսագրությունը և ձայնագրությունն արգելող որոշումը ոչ մի մեկնաբանությամբ չի կարող արդարացնել դատարանի շենք մտնելիս փաստաբաններից էլեկտրոնային սարքերը վերցնելու նախաձեռնությունը։
«Դատարաններում փաստաբանների օգտագործած էլեկտրոնային սարքերը (բջջային հեռախոս/նոութբուք) մեր աշխատանքին անհրաժեշտ գործիքներ են: Չնայած այսօր արված կոնկրետ հայտարարությանը, գործնականում նման բան չի եղել, և ինչպես ինձ կրկին հաստատեցին դատական մարմինների ներկայացուցիչները, ապագայում փաստաբանների համար էլեկտրոնային սարքերի օգտագործումը սահմանափակելու ծրագիր չկա», — գրել է Ասաթիանին։
Նա պաշտոնապես կդիմի Արդարադատության բարձրագույն խորհրդին լրացուցիչ պարզաբանումներ ստանալու համար՝ փաստաբանի գործունեությանը միջամտությունը բացառելու նպատակով։
«Փաստաբանների միությունը թույլ չի տա օրենքի այնպիսի մեկնաբանություն կամ այնպիսի սխալ գործելակերպի ներդրում, որն անհնար կդարձնի մեր գործունեության լիարժեք իրականացումը, և ես հույս ունեմ, որ բոլորս միակարծիք կլինենք այս հարցում», — գրել է Ասաթիանին։
