Իրավապահ մարմինների աշխատակիցները Թբիլիսիի Նուցուբիձեի փողոցում տեղի ունեցած հարձակման գործով մեկ քաղաքացու են ձերբակալել։
Ներքին գործերի նախարարությունը հաղորդել է, որ ձերբակալվածը նախկինում դատվածություն է ունեցել։
«ՆԳՆ Թբիլիսիի ոստիկանության վարչության Վակե-Սաբուրթալոյի գլխավոր բաժնի աշխատակիցները ձերբակալել են 1988 թվականին ծնված Ա.Լ.-ին, որը նախկինում դատված է եղել դիտավորյալ ծանր մարմնական վնասվածք հասցնելու մեղադրանքով։
Քննությունը պարզել է, որ մեղադրյալը Թբիլիսիի Նուցուբիձեի փողոցում փոխադարձ վեճի հիման վրա սառը զենքով վիրավորել է 1991 թվականին ծնված Լ.Մ.-ին և փախել դեպքի վայրից։
Վիրավորը հոսպիտալացվել է, ստանում է համապատասխան բժշկական օգնություն», — նշված է հաղորդագրության մեջ։
Քննությունը շարունակվում է Վրաստանի քրեական օրենսգրքի 117-րդ հոդվածով, որը նախատեսում է մինչև 7 տարի ազատազրկում:
