Բիձինա Իվանիշվիլին շնորհավորել է Կաթողիկոս Պատրիարք Իլիա II-ին գահակալության տարեդարձի կապակցությամբ։
«Վրացական երազանք»-ի պատվավոր նախագահը իր շնորհավորական ուղերձում գրել է, որ Նորին Սրբության ներդրումը վրացիների միասնության, քրիստոնեության և պետականության ամրապնդման գործում անգնահատելի է։
«48 տարի շարունակ Վրաստանի հոգևոր հայրը՝ Նորին Սրբություն և Ամենայն Օրհնյալ, Համայն Վրաստանի Կաթողիկոս-Պատրիարք Իլիա II-ը արժանապատվորեն և ազնվորեն ծառայել է մեր Եկեղեցուն, մեր հավատքին և մեր հայրենիքին։
Նորին Սրբության ներդրումը վրացիների միասնության, քրիստոնեության և պետականության ամրապնդման գործում անգնահատելի է։ Չնայած բազմաթիվ անհաջողություններին, Իլիա II-ը գրեթե կես դար արժանապատվորեն կրել է ազգի հոգևոր հոր ծանր խաչը։
Իմ և կնոջս՝ Եկատերինա Խվեդելիձեի անունից շնորհավորում եմ Պատրիարքին գահակալության տարեդարձի կապակցությամբ և մաղթում նրան առողջություն և ուժ, որպեսզի նա ևս երկար տարիներ աշխատի ուղղափառ արժեքների ամրապնդման համար», — գրել է Բիձինա Իվանիշվիլին։
Վրացական Ուղղափառ Եկեղեցին այսօր նշում է Համայն Վրաստանի Կաթողիկոս-Պատրիարք Իլիա II-ի գահակալության տարեդարձը։
