Ներքին գործերի նախարարության միգրացիայի դեպարտամենտը վերջին օրերին Վրաստանից արտաքսել է 87 օտարերկրյա քաղաքացիների։
Դեպարտամենտի տվյալներով՝ միգրացիայի դեպարտամենտի ձեռնարկած համալիր միջոցառումների արդյունքում երկրից արտաքսվել են Թուրքիայի, Չինաստանի, Հնդկաստանի, Ադրբեջանի, Իրանի, Թուրքմենստանի, Եգիպտոսի, Նիգերիայի, Ռուսաստանի, Ղազախստանի, Հորդանանի, Բանգլադեշի, Թաիլանդի, Իսրայելի, Լիբանանի, Հարավային Աֆրիկայի, Սուդանի և Սիրիայի քաղաքացիներ։
Ըստ գործող օրենսդրության՝ արտաքսված անձանց արգելվել է մուտք գործել Վրաստանի տարածք։
