Իլիայի պետական համալսարանի բարձրագույն կոլեգիալ մարմիններն անդրադարձել են բարձրագույն ուսումնական հաստատությունների վերակազմակերպմանն առնչվող խորհրդարանի օրենսդրական փոփոխություններին։
Հայտարարության մեջ նշված է, որ «Բարձրագույն կրթության մասին» Վրաստանի օրենքում վերոնշյալ փոփոխություններով՝ թե՛ առաջին, թե՛ երկրորդ փաթեթներով, Վրաստանի կառավարությունն օրինականացրել է բարձրագույն ուսումնական հաստատությունների ինստիտուցիոնալ ինքնավարությունը վերացնելու և ակադեմիական ազատությունը սահմանափակելու իրավունքը, ինչը հակասում է Վրաստանի Սահմանադրությանը։
«Իլիայի պետական համալսարանի բարձրագույն կոլեգիալ մարմիններն անընդունելի են համարում Վրաստանի Սահմանադրության 27-րդ հոդվածին հակասող օրենսդրական փոփոխությունները։
Մենք անընդունելի ենք համարում կրթության հիմնարար հարցերի արագացված լուծումը՝ առանց հանրության հետ համաձայնության։ Մենք պահանջում ենք Վրաստանի Սահմանադրությամբ երաշխավորված ակադեմիական ազատության և ինստիտուցիոնալ ինքնավարության անձեռնմխելիություն։
Իլիայի պետական համալսարանի ակադեմիական խորհուրդ
Իլիայի պետական համալսարանի ներկայացուցչական խորհուրդ
Գիտությունների և արվեստի ֆակուլտետի խորհուրդ
Իրավաբանական դպրոցի խորհուրդ
Բնական գիտությունների և բժշկության ֆակուլտետի խորհուրդ
Բիզնեսի, տեխնոլոգիաների և կրթության ֆակուլտետի խորհուրդ», — ասված է հայտարարության մեջ։
