Ներքին գործերի նախարարության հաղորդմամբ՝ Գարդաբանիում կնոջը սառը զենքով բազմաթիվ մահացու վերքեր հասցնելու համար ձերբակալվել է մեկ անձ։
Ներքին գործերի նախարարության Քվեմո Քարթլիի ոստիկանության դեպարտամենտի աշխատակիցները ձերբակալել են 1988 թվականին ծնված Փ.Ա.-ին՝ ընտանիքի անդամի նկատմամբ կատարած կանխամտածված սպանության մեղադրանքով։
Քննությունը պարզել է, որ մեղադրյալը Գարդաբանիի մունիցիպալիտետում սառը զենքով բազմաթիվ վերքեր է հասցրել իր կնոջը՝ 2000 թվականին ծնված Մ.Գ.-ին, որը ստացած վնասվածքներից մահացել է դեպքի վայրում։
Մեղադրյալը ներկայացել է ոստիկանություն և խոստովանել կատարած հանցանքը։
Իրավապահ մարմինների աշխատակիցները Փ.Ա.-ին ձերբակալել են որպես կասկածյալ։ Հանցագործությունը կատարելու համար օգտագործված զենքը՝ դանակը, առգրավվել է որպես ապացույց։
Քննությունը շարունակվում է Քրեական օրենսգրքի 11-րդ մասի 109-րդ հոդվածի «կ» ենթակետով, որը նախատեսում է մինչև 20 տարի կամ ցմահ ազատազրկում:
