Վարչապետ Իրակլի Կոբախիձեն շնորհավորել է Վիկտոր Օրբանի մրցակից Պետեր Մագյարին Հունգարիայի ընտրություններում տարած հաղթանակի կապակցությամբ։
«Վրաց ժողովրդի և Վրաստանի կառավարության անունից շնորհավորում եմ Պետեր Մագյարին և նրա կուսակցությանը Հունգարիայի խորհրդարանական ընտրություններում տարած հաղթանակի կապակցությամբ։
Շնորհակալություն եմ հայտնում Վիկտոր Օրբանին և նրա թիմին տարիների ընթացքում Վրաստանի և վրաց ժողովրդի ազգային շահերին ցուցաբերած ակնառու, անսասան աջակցության համար։
Վրաստանը և Հունգարիան կապված են բարեկամության և գործընկերության երկար պատմությամբ, որը, անշուշտ, կշարունակվի», — հայտարարել է Իրակլի Կոբախիձեն։
Ավելի վաղ Պետեր Մագյարին հաղթանակի կապակցությամբ շնորհավորել են Վրաստանի հինգերորդ նախագահ Սալոմե Զուրաբիշվիլին, նախկին վարչապետ Գիորգի Գախարիան և ընդդիմադիր «Ֆեդերալիստներ» կուսակցությունը։
