Վրաստանի հինգերորդ նախագահ Սալոմե Զուրաբիշվիլին մասնակցել է Հոկտեմբերի 13-ին կայացած Վարշավայի անվտանգության ֆորումին (WSF):
«Դեմոկրատական ճակատ` ռուսական ավտորիտարիզմի դեմ» քննարկմանը՝ Սալոմե Զուրաբիշվիլին հայտարարել է, որ, ինչպես անցյալում, Արևմուտքը շարունակում է զգուշորեն վերաբերվել Ռուսաստանին, չնայած ընթացող պատերազմին:
Սալոմե Զուրաբիշվիլիից բացի, Վարշավայի անվտանգության ֆորումի քննարկմանը մասնակցել են նաև Էստոնիայի նախկին նախագահ Տոոմաս Հենդրիկ Իլվեսը, «Ազատ Ռուսաստան» հիմնադրամի փոխնախագահ Վլադիմիր Կարա-Մուրզան և Բելառուսի անցումային կաբինետի ղեկավար Սվյատլանա Ցիխանոուսկայան: Քննարկումը վարել է «Ինդեփենդենս Ավենյու Մեդիա»-ի հիմնադիր և գլխավոր խմբագիր Իա Մեուրմիշվիլին, ով Սալոմե Զուրաբիշվիլիին հարցրել է, թե ինչ է պետք փոխել, որպեսզի Վրաստանում շարունակվող բողոքի ցույցերը, որոնք Վրաստանի համար ժողովրդավարական, եվրոպամետ ապագա են ցանկանում, ստեղծեն այլ իրականություն:
Վրաստանի հինգերորդ նախագահը ի պատասխան նշել է, որ դա կապված է Ուկրաինայի հաղթանակի, Ռուսաստանի վերջնական պարտության և Արևմուտքի սկզբունքայնության հետ:
