Հայաստանի Հանրապետության վարչապետ Նիկոլ Փաշինյանի հրավերով Վրաստանի վարչապետ Իրակլի Կոբախիձեն հոկտեմբերի 15-16-ին կմասնակցի Երևանում կայանալիք ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովին։
Ըստ տեղեկության՝ Իրակլի Կոբախիձեն համաժողովի շրջանակներում նախատեսված առաջնորդների գագաթնաժողովում հանդես կգա ելույթով, ինչպես նաև կմասնակցի համաժողովի բացման պաշտոնական արարողությանը։
«Իրակլի Կոբախիձեն պատվիրակության հետ միասին մեկնել է Երևան, որի կազմում են Վրաստանի շրջակա միջավայրի պաշտպանության և գյուղատնտեսության նախարար Դավիթ Սոնղուլաշվիլին և կառավարության վարչակազմի ղեկավար Լևան Ժորժոլիանին», — նշված է տեղեկատվության մեջ։
