54 տարեկան հասակում մահացել է Վրաստանի ազգային հավաքականի նախկին ավագ Գիորգի Նեմսաձեն։

Այս մասին սոցիալական ցանցում հայտնել է Դավիթ Օքիտաշվիլին։ Մահվան պատճառը դեռևս անհայտ է։

Ինչ վերաբերում է նախկին ավագի կենսագրությանը․ 1988-1991 և 1993-1995 թվականներին խաղացել է Թբիլիսիի «Դինամոյում», 1991-1992 թվականներին՝ Լանչխութիի «Գուրիայում», 1992-1993 թվականներին՝ Թբիլիսիի «Շևարդենիում»։ Հանդես է եկել նաև գերմանական «Համբուրգում», թուրքական «Տրաբզոնսպորում», շվեյցարական «Գրասհոփերսում», իտալական «Ռեջանայում», Թբիլիսիի «Լոկոմոտիվում», եղել է շոտլանդական «Դանդիի» ավագը, իսկ կարիերան ավարտել է «Դինամոյում»։

1992-2004 թվականներին Վրաստանի ազգային հավաքականում անցկացրել է 69 հանդիպում, որոնցից 42-ում եղել է ավագի թևկապով։ 2011 թվականի մարտին նշանակվել է Թբիլիսիի «Դինամոյի» մարզական տնօրեն, սակայն մեկուկես տարի անց հեռացել է ակումբից և անցել մարզչական գործունեության։

2017 թվականից եղել է Վրաստանի մինչև 17 տարեկանների հավաքականի գլխավոր մարզիչը, որտեղ մարզել է Խվիչա Կվարացխելիային և նրա սերնդակիցներին։ Վերջին անգամ՝ 2020-2021 թվականներին, եղել է «Դինամո Թբիլիսիի» գլխավոր մարզիչը։