Սեպտեմբերի 2-ին Ռուսթավելիի պողոտայում վարչական կարգով ձերբակալված Ալբի Կորձաիան դատապարտվեց 12-օրյա ազատազրկման։

Սեպտեմբերի 2-ին Ռուսթավելիի պողոտայում ոստիկանությունը ձերբակալել է 24 ցուցարարի, նրանց թվում էր Կորձաիան։ Սա նրա երրորդ ձերբակալությունն է. երեք անգամն էլ նա վարչական կարգով ձերբակալվել է բողոքի ակցիային մասնակցելու ժամանակ։

ՆԳՆ-ն Ալբի Կորձաիային մեղադրում է ոստիկանին չենթարկվելու համար. դատարանը նրա գործով որոշում է կայացրել այսօր՝ սեպտեմբերի 5-ին։

Ակտիվիստը նշել է, որ ինքը որոշակի առողջական խնդիրներ ունի, և կա հավանականություն, որ բանտարկությունից հետո հոսպիտալացվի։ Նա դատարանի որոշումը լսել է այն կլինիկայում, որտեղ գնացել էր բժշկական հետազոտության նպատակով։

Սեպտեմբերի 2-ին ձերբակալվածների վարչական գործերը ներկայումս քննվում են Թբիլիսիի քաղաքային դատարանում. որոշում է կայացվել միայն մի քանիսի վերաբերյալ։