Ընդդիմադիր «Ֆեդերալիստներ» կուսակցության առաջնորդ Գիգա Բոկերիան անդրադարձել է «Վրացական երազանք»-ի ներկայացրած սահմանադրական հայցին, որի պահանջը երեք ընդդիմադիր կուսակցությունների գործունեության արգելումն է։
««Երբ ռեժիմն արգելում է ընդդիմադիր կուսակցությունների գործունեությունը, դա չի սահմանափակում միայն այս կամ այն քաղաքական գործչի կամքը, այլ սահմանափակում է քաղաքացիների կամքը։ Ռեժիմը մտադիր է ինքնակամ որոշել, թե ով ունի քաղաքացիներին ներկայացնելու իրավունք։
Այս քայլով ռեժիմը ցանկանում է ավելի հեշտացնել Վրաստանի քաղաքացիներին թալանելը և մեր պետականությանը դավաճանելը։ Բռնապետական ռեժիմի պարտությամբ բոլոր նման անօրինությունները կդառնան անցյալ», — գրել է նա իր ֆեյբուքյան էջում:
