Միացյալ Թագավորության արտաքին գործերի նախարարությունը թարմացրել է պատժամիջոցների ենթարկված անձանց ցուցակը ապրիլի 2-ի դրությամբ: Ցուցակում ավելացվել է 13 գրառում: Սա ներառում է այդ անհատների և նրանց կողմից վերահսկվող ակտիվների գրավումը: Արգելանքը կտարածվի նրանց հաշիվների, այլ ակտիվների և տնտեսական ռեսուրսների վրա:
Թբիլիսիի վերաքննիչ դատարանի նախագահ Միխեիլ Չինչալաձեն Միացյալ Թագավորության պատժամիջոցների տակ է հայտնվել, քանի որ հիմնավոր կասկածներ կան, որ նա ներգրավված է եղել կոռուպցիոն գործարքների մեջ։
Մեծ Բրիտանիայի ֆինանսական պատժամիջոցները տարածվել են նաև Թբիլիսիի վերաքննիչ դատարանի դատավոր և Արդարադատության բարձրագույն խորհրդի անդամ Լևան Մուրուսիձեի վրա: Պատժամիջոցների կիրառման հիմքում նշված է, որ հիմնավոր հիմքեր կան կասկածելու, որ Մուրուսիձեն ներգրավված է եղել կոռուպցիոն գործարքների մեջ։
Վաշինգտոնը ևս վիզային պատժամիջոցներ է սահմանել վրացի բարձրաստիճան պաշտոնյաների, այդ թվում՝ Միխեիլ Չինչալաձեի և Լևան Մուրուսիձեի նկատմամբ դեռևս 2023 թվականի ապրիլին` «զգալի կոռուպցիոն գործունեություն ծավալելու համար»։
